ബെംഗളൂരു സ്ഫോടന കേസ്: അബ്ദുൾ നാസർ മഅ്ദനിയുടെ വിചാരണ 4 മാസത്തിനകം പൂർത്തിയാക്കണമെന്ന് സുപ്രീംകോടതി

ന്യൂഡൽഹി : ബെംഗളൂരു സ്ഫോടന കേസിൽ പ്രതിയായ അബ്ദുൾ നാസർ മഅ്ദനിയുടെ വിചാരണ നാലുമാസത്തിനകം പൂർത്തിയാക്കി വിധി പ്രഖ്യാപിക്കണമെന്ന് സുപ്രീംകോടതി നിർദ്ദേശിച്ചു. വിചാരണ കോടതിക്കാണ് സുപ്രീംകോടതി പ്രത്യേകമായി നിർദ്ദേശം നൽകിയത്.

പ്രതി താജുദ്ദീൻ സമർപ്പിച്ച ഹർജിയിലാണ് സുപ്രീംകോടതി ഇടപെട്ടത്. വിചാരണ അനാവശ്യമായി നീണ്ടുപോകുന്നതിനെതിരെ താജുദ്ദീൻ കോടതിയെ സമീപിച്ചിരിക്കുകയായിരുന്നു. കഴിഞ്ഞ 16 വർഷമായി ജയിലിൽ കഴിയുന്നതായും വിചാരണ നടപടികൾ വേഗത്തിലാക്കണമെന്നും ഹർജിയിൽ ആവശ്യപ്പെട്ടിരുന്നു.

ഹർജി പരിഗണിച്ച സുപ്രീംകോടതി വിചാരണ കോടതി നടപടികൾ വേഗത്തിലാക്കണമെന്ന് വ്യക്തമാക്കി. ഇതോടെ കേസിന്റെ അന്തിമ വിധി അടുത്ത നാല് മാസത്തിനുള്ളിൽ പ്രഖ്യാപിക്കപ്പെടും.