വടുതല സ്വദേശി രണ്ട് കിലോ ഹൈബ്രിഡ് കഞ്ചാവുമായി പിടിയിൽ

കൊച്ചി: തായ്‌ലൻഡിൽ നിന്നെത്തിച്ച ഹൈബ്രിഡ് കഞ്ചാവ് കാറിൽ കടത്താൻ ശ്രമിച്ച ഒരാൾ കസ്റ്റംസ് പിടിയിലായി. വടുതല സ്വദേശിയായ സഖറിയ ടൈറ്റസാണ് അറസ്റ്റിലായത്.

തപാൽമാർഗം എത്തിച്ച രണ്ട് കിലോ കഞ്ചാവാണ് പിടികൂടിയത്. അന്താരാഷ്ട്ര വിപണിയിൽ ഇതിന് രണ്ട് കോടിയിലധികം രൂപ വിലവരുമെന്ന് കസ്റ്റംസ് അധികൃതർ അറിയിച്ചു.

രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് കഞ്ചാവ് പിടികൂടിയത്. സംഭവത്തിൽ കൂടുതൽ ആളുകൾ ഉൾപ്പെട്ടിട്ടുണ്ടോ എന്ന് അന്വേഷിച്ചുവരികയാണെന്നും കസ്റ്റംസ് അറിയിച്ചു.