അദാനി ഗ്രൂപ്പിനെതിരായ എല്ലാ നടപടികളും അവസാനിപ്പിച്ചു: സെബി

ന്യൂഡൽഹി: ഹിൻഡൻബെർഗ് റിസർച്ച് പുറത്തുവിട്ട റിപ്പോർട്ടിൽ ഉന്നയിച്ച ആരോപണങ്ങളിൽ നിന്നും വ്യവസായി ഗൗതം അദാനിക്കും അദാനി ഗ്രൂപ്പിനും ക്ലീൻ ചിറ്റ് നൽകി സെക്യൂരിറ്റീസ് ആന്റ് എക്സ്ചേഞ്ച് ബോർഡ് ഓഫ് ഇന്ത്യ (സെബി).

ഷെൽ കമ്പനികളിലൂടെ വിപണിയിൽ കൃത്രിമ ഇടപാടുകളും ഓഹരി പെരുപ്പവുമാണെന്നായിരുന്നു ഹിൻഡൻബെർഗ് ഉന്നയിച്ച ആരോപണം. എന്നാൽ സെബിയുടെ അന്വേഷണം പൂർത്തിയായപ്പോൾ, ആരോപണങ്ങൾക്ക് തെളിവുകളൊന്നും കണ്ടെത്താൻ കഴിഞ്ഞില്ല.

2021-ലെ നിയമഭേദഗതിക്ക് ശേഷമുള്ള ഇടപാടുകളേ പരിഗണിക്കാനാകൂ എന്നും, അദാനി ഗ്രൂപ്പിനെതിരെ റിപ്പോർട്ടിൽ ചൂണ്ടിക്കാട്ടിയ ഇടപാടുകൾ അന്നത്തെ സാഹചര്യത്തിൽ ബന്ധിപ്പിക്കാനാവില്ലെന്നും സെബി വ്യക്തമാക്കി. സംശയാസ്പദമായി കാണിച്ച വായ്പകൾ പലിശ സഹിതം തിരിച്ചടച്ചിട്ടുണ്ടെന്നും, ഒരു ഫണ്ടും ദുരുപയോഗം ചെയ്തിട്ടില്ലെന്നുമാണ് അന്വേഷണത്തിൽ കണ്ടെത്തിയത്.

ഇതോടെ അദാനി ഗ്രൂപ്പിനെതിരായ എല്ലാ നടപടികളും അവസാനിപ്പിക്കുമെന്ന് സെബി പ്രഖ്യാപിച്ചു.