ബലാത്സംഗക്കേസിൽ പ്രതിയായ നടൻ സിദ്ദിഖിന് വിദേശയാത്രയ്ക്ക് കോടതി അനുമതി

തിരുവനന്തപുരം ∙ ബലാത്സംഗക്കേസിൽ പ്രതിയായ നടൻ സിദ്ദിഖിന് വിദേശ യാത്രയ്ക്ക് കോടതി അനുമതി നൽകി. സിനിമ ചിത്രീകരണത്തിനും ചില ചടങ്ങുകളിലും പങ്കെടുക്കുന്നതിനുമായി ഒരു മാസത്തേക്കാണ് തിരുവനന്തപുരം ഒന്നാം ക്ലാസ് ജുഡീഷ്യൽ മജിസ്ട്രേറ്റ് കോടതി അനുമതി നൽകിയിരിക്കുന്നത്.

സിദ്ദിഖിന്റെ അപേക്ഷ പരിഗണിച്ചാണ് കോടതി തീരുമാനം. സിനിമയിൽ അവസരം വാഗ്ദാനം ചെയ്ത് യുവനടിയെ ചൂഷണം ചെയ്തെന്ന പരാതിയിലാണ് നടൻ സിദ്ദിഖ് ഇപ്പോൾ ജാമ്യത്തിലുള്ളത്. ജാമ്യ വ്യവസ്ഥ പ്രകാരം വിദേശയാത്ര നിരോധനത്തിലായിരുന്നുവെങ്കിലും, കോടതിയുടെ ഇളവോടെയാണ് പുതിയ അനുമതി.

യാത്ര കഴിഞ്ഞ് നാട്ടിൽ തിരിച്ചെത്തിയ ഉടൻ തന്നെ പാസ്പോർട്ട് കോടതിയിൽ ഹാജരാക്കണമെന്നതാണ് അനുമതിയോടൊപ്പം കോടതി നിർദേശിച്ചിട്ടുള്ള വ്യവസ്ഥ.