അയ്മനം പുത്തൂക്കരിയിൽ ആമ്പൽവസന്തം ടൂറിസം ഫെസ്റ്റ് ആരംഭിച്ചു

കോട്ടയം: അയ്മനം പുത്തൂക്കരിയിൽ വച്ച് മൂന്ന് ദിവസത്തേക്ക് നീണ്ടുനിൽക്കുന്ന ആമ്പൽവസന്തം ടൂറിസം ഫെസ്റ്റ് ഔദ്യോഗികമായി ആരംഭിച്ചു. പുത്തൂക്കരി പാഠശേഖരത്തിനു സമീപം നടന്ന ചടങ്ങ് മന്ത്രി വി.എൻ. വാസവൻ ഉദ്ഘാടനം ചെയ്തു.

അയ്മനത്തിനും ടൂറിസത്തിന് കുമരകം പോലെയുള്ള വികസന സാധ്യതകൾ ഉണ്ടെന്നും, വൈവിധ്യമാർന്ന പ്രവർത്തനങ്ങളിലൂടെ വിനോദസഞ്ചാരികളെ ആകർഷിക്കാനാവുമെന്നും മന്ത്രി വാസവൻ പറഞ്ഞു. കൂടാതെ, അയ്മനം പഞ്ചായത്തിൽ വാട്ടർ തീം പാർക്ക് നിർമ്മിക്കുന്നതിനെ സംബന്ധിച്ച ചർച്ചകളും നടക്കുകയാണെന്നും അദ്ദേഹം അറിയിച്ചു.

ഉദ്ഘാടനത്തിന് മുന്നോടിയായി, മന്ത്രി വി.എൻ. വാസവൻ വള്ളത്തിൽ സഞ്ചരിച്ച് ആമ്പൽപാടത്തിന്റെ പ്രകൃതി സൗന്ദര്യം ആസ്വദിച്ചു. ചടങ്ങ് ഗ്രാമപഞ്ചായത്തംഗം കെ.എം. മേരിക്കുട്ടി അധ്യക്ഷത്വത്തിൽ നടന്നു. സ്വാഗതസംഘം കൺവീനർ ബി.ജെ. ലിജീഷ്, ഗ്രാമപഞ്ചായത്ത് മുൻ പ്രസിഡന്റ് എ.കെ. ആലിച്ചൻ, കുടമാളൂർ സർവീസ് സഹകരണ ബാങ്ക് പ്രസിഡന്റ് സി.എൻ. ബാലചന്ദ്രൻ, അയ്മനം സർവീസ് സഹകരണബാങ്ക് മുൻ പ്രസിഡന്റ് കെ.കെ. ഭാനു എന്നിവർ പ്രസംഗിച്ചു.

ഫെസ്റ്റ് അയ്മനം ഗ്രാമപഞ്ചായത്തിന്റെ നേതൃത്വത്തിൽ, ഉത്തരവാദിത്വ ടൂറിസം മിഷൻ, പുത്തൂക്കരി പാഠശേഖര സമിതി, അരങ്ങ് സാംസ്‌കാരിക വേദി, ഐക്യവേദി റസിഡന്റ്സ് അസോസിയേഷൻ, പുത്തൂക്കരി റസിഡന്റ്സ് അസോസിയേഷൻ എന്നിവയുടെ സഹകരണത്തോടെ നടത്തപ്പെടുന്നു.

ഫെസ്റ്റ് ഞായറാഴ്ച വരെ പ്രതിദിനം രാവിലെ 6 മണി മുതൽ 10 മണി വരെ നടത്തപ്പെടുന്നു. പരിപാടികളുടെ ഭാഗമായി വിവിധ മത്സരങ്ങൾ, ആമ്പൽ ജലയാത്ര, നാടൻ ഭക്ഷ്യമേള, റീൽസ്-ഫോട്ടോ ഷൂട്ട് മത്സരങ്ങൾ എന്നിവ നടക്കും.