രൂപ മൂല്യ ഇടിവ്; കുവൈത്ത് ദിനാർ റെക്കോർഡ് ഉയർന്നു – പ്രവാസികൾക്ക് നേട്ടം

കൊച്ചി: രൂപയുടെ മൂല്യം താഴുന്നതോടെ വിദേശ കറൻസികളോടുള്ള വിനിമയ നിരക്കിൽ കുതിപ്പുണ്ടായി. പ്രവാസികൾക്ക് ഇത് സാമ്പത്തിക നേട്ടമായി മാറി.

വ്യാഴാഴ്ച ഒരു ദിർഹത്തിന് 24.04 രൂപ എന്ന നിരക്കാണ് ലഭിച്ചത്. ഓഗസ്റ്റ് 29-നാണ് ചരിത്രത്തിൽ ആദ്യമായി ഒരു ദിർഹത്തിന് 24 രൂപ കടന്നത്. ഈ മാസം 8-ന് നിരക്ക് 23.95 രൂപയിലേക്ക് താഴ്ന്നെങ്കിലും,9-ന് 24.02, 10-ന് 24.03, വ്യാഴാഴ്ച 24.04 രൂപയായി ഉയർന്നു.

കുവൈത്ത് ദിനാറിന്റെ വിനിമയ നിരക്കും റെക്കോർഡിന് മുകളിൽ എത്തി. എക്‌സി റിപ്പോർട്ട് പ്രകാരം വ്യാഴാഴ്ച രാവിലെ 289 രൂപയ്ക്ക് മുകളിൽ ഒരു കുവൈത്ത് ദിനാർ രേഖപ്പെടുത്തി. ഇത് അടുത്തിടെ ഉണ്ടായ ഏറ്റവും ഉയർന്ന നിരക്കാണ്.