പള്ളിപ്പെരുന്നാളിനോടനുബന്ധിച്ച ഡാൻസ് പ്രാക്ടീസിൽ പങ്കെടുത്ത ആൺകുട്ടിയെ കപ്യാർ ലൈംഗികമായി പീഡിപ്പിച്ചു

കാക്കനാട്:പള്ളി പെരുന്നാളിനോട് അനുബന്ധിച്ചുള്ള ഡാൻസ് പ്രാക്ടീസിനായി പള്ളിയിലേക്ക് എത്തിയ ആണ്‍കുട്ടിയെ കപ്യാർ ലൈംഗികമായി പീഡിപ്പിച്ചതായി പരാതി. തുതിയൂരിലെ പള്ളിയിലാണ് സംഭവം നടന്നത്.

ആൺകുട്ടിയുടെ മാതാപിതാക്കൾ നൽകിയ പരാതിയുടെ അടിസ്ഥാനത്തിൽ തൃക്കാക്കര പൊലീസ് കപ്യാർ ഷാജി ജോസഫിനെതിരെ പോക്‌സോ നിയമപ്രകാരം കേസ് രജിസ്റ്റർ ചെയ്തു.

പരാതി ലഭിച്ചതിനെത്തുടർന്ന് സംഭവം മറച്ചുവയ്ക്കാൻ ശ്രമിച്ച പള്ളി വികാരിക്കെതിരെയും പൊലീസ് കേസ് എടുത്തിട്ടുണ്ട്. പരാതി പോലീസിൽ അറിയിക്കാതെ ഒത്തുതീർപ്പാക്കാനുള്ള ശ്രമം വികാരി നടത്തിയതായാണ് റിപ്പോർട്ട്.

കഴിഞ്ഞ സെപ്റ്റംബർ 16ന് നടന്ന സംഭവത്തെ തുടർന്നാണ് കേസ് രജിസ്റ്റർ ചെയ്തത്. പൊലീസ് അന്വേഷണം പുരോഗമിക്കുകയാണ്.