വയനാട്: എം.എൽ.എ. ഓഫീസിന് നേരെ ഡിവൈഎഫ്ഐ ആക്രമണം – കടുത്ത വിമർശനവുമായി രമേശ് ചെന്നിത്തല

വയനാട്ടിൽ ടി. സിദ്ദിഖ് എംഎൽഎയുടെ ഓഫീസിന് നേരെ ഡിവൈഎഫ്ഐ പ്രവർത്തകർ നടത്തിയ ആക്രമണം “കാടത്തമായ പ്രവണത”യാണെന്ന് കോൺഗ്രസ് നേതാവ് രമേശ് ചെന്നിത്തല പ്രതികരിച്ചു.

“എംഎൽഎക്കെതിരെ യാതൊരു പരാതിയും നിലവിലില്ലാത്ത ഒരു വിഷയത്തിലാണ് ഡിവൈഎഫ്ഐ പ്രവർത്തകർ ആക്രമണം നടത്തിയത്. ഇത് അനുവദിക്കാനാവില്ല. അണികളെ നിലയ്ക്കു നിർത്താൻ സിപിഎം തയ്യാറാകണം,” ചെന്നിത്തല വ്യക്തമാക്കി.

സംസ്ഥാനത്ത് കോൺഗ്രസ് പ്രവർത്തകരെ ആക്രമിച്ച് ഒതുക്കാമെന്ന് സിപിഎം വ്യാമോഹിക്കരുതെന്നും അദ്ദേഹം മുന്നറിയിപ്പ് നൽകി.

പോലീസ് ആക്രമണകാരികൾക്ക് പിന്തുണ നൽകുകയാണെന്നും അത് അംഗീകരിക്കാനാവില്ലെന്നും ചെന്നിത്തല കുറ്റപ്പെടുത്തി. ഓഫീസ് ആക്രമണത്തിൽ പങ്കെടുത്ത മുഴുവൻ പ്രതികളെയും ഉടൻ അറസ്റ്റ് ചെയ്യണമെന്നാവശ്യപ്പെട്ടും അദ്ദേഹം പ്രസ്താവന പുറത്തിറക്കി.