ഓ ജെ ജനീഷ് യൂത്ത് കോൺഗ്രസ്സ് സംസ്ഥാന അധ്യക്ഷനാകാൻ സാധ്യത

തിരുവനന്തപുരം: യൂത്ത് കോൺഗ്രസ്സ് സംസ്ഥാന അധ്യക്ഷസ്ഥാനത്തേക്ക് ഓ ജെ ജനീഷിന് സാധ്യത ഉയരുന്നു. രാഹുൽ മാങ്കൂട്ടം രാജിവെച്ച ഒഴിവിലേക്കാണ് ജനീഷിനെ പരിഗണിക്കുന്നത്. ഹൈകമാൻഡ് ഉടൻ തന്നെ ഔദ്യോഗിക തീരുമാനം പ്രഖ്യാപിക്കുമെന്നാണ് സൂചന.

പാലിയേക്കര ടോൾ പ്ലാസ വിഷയത്തിൽ നിർണ്ണായക ഇടപെടലുകൾ നടത്തി ശ്രദ്ധേയനായ നേതാവാണ് ഓ ജെ ജനീഷ്. മികച്ച സംഘടകനെന്ന പേരും യുവജനങ്ങളിൽ സ്വാധീനവുമുള്ള നേതാവായതിനാൽ 2026 ലെ പൊതുതെരഞ്ഞെടുപ്പിന് യൂത്ത് കോൺഗ്രസിനെ സജ്ജമാക്കാൻ ജനീഷിന് കഴിയുമെന്നാണ് കോൺഗ്രസിനുള്ളിലെ പൊതുവികാരം.